1092 - Na ka treguar Ebu Davudi, i cili ka thënë: Na ka treguar el-Ferexh bin Fedale, nga Ebu Bekr bin Ebi Merjem, nga Habib bin Ubejd, nga Auf bin Malik, i cili ka thënë: «Isha dëshmitar kur i Dërguari i Allahut (s.a.v.s.) i fali xhenazen një burri prej Ensarëve dhe e dëgjova duke thënë: O Allah, bekoje atë, falja mëkatet dhe mëshiroje, jepi shëndet dhe falja gabimet, laje atë me ujë, borë dhe breshër, dhe pastroje nga gjynahet dhe gabimet ashtu siç pastrohet rroba e bardhë nga papastërtia. Zëvendësoja shtëpinë e tij me një shtëpi më të mirë se shtëpia e tij, dhe familjen e tij me një familje më të mirë se familja e tij, dhe mbroje atë nga sprova e varrit dhe dënimi i Zjarrit. Aufi tha: Në atë vend e pashë veten duke dëshiruar të isha në vendin e atij Ensarit, për shkak të asaj që dëgjova nga duaja e të Dërguarit të Allahut (s.a.v.s.) për të».
Ky hadith transmetohet edhe nga Habib bin Ubejd, nga Xhubejr bin Nufejr, nga Aufi.
Dhe e kam parë këtë hadith në një vend tjetër nga Ebu Davudi, nga el-Ferexh bin Fedale, i cili ka thënë: Më ka treguar Ismet bin Rashid, nga Habib bin Ubejd, nga Aufi.