1116 - Na ka treguar Ebu Davudi, i cili ka thënë: Na ka treguar Selami, nga Ebu Is'haku, nga Abdylxhebbar bin Vail et-Taiu, nga babai i tij: "Se i Dërguari i Allahut (s.a.v.s.) ishte duke u falur, kur hyri një burrë dhe tha: 'Allahu Ekber kebira, vel-hamdu lillahi kethira, ve subhanallahi ve bihamdihi bukraten ve esila' (Allahu është më i Madhi, falënderimi i takon Allahut pafundësisht, i pastër nga çdo e metë është Allahu dhe Atij i takon lavdërimi në mëngjes dhe në mbrëmje). Kur përfundoi namazin, ai tha: 'Kush i tha ato fjalë?'. Burri tha: 'Unë, o i Dërguari i Allahut, dhe nuk kisha qëllim tjetër me to përveç të mirës'. Atëherë i Dërguari i Allahut (s.a.v.s.) tha: 'I pashë dyert e qiellit duke u hapur, saqë ato fjalë nuk u ndalën pa arritur në Arsh'."