1122 - Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar Amër bin Murre, i cili e ka dëgjuar Abdullah bin Amrin, maulanë e Hasan bin Aliut, duke treguar se Adij bin Hatimi u pyet (për diçka), e ai u betua se nuk do të jepte, pastaj dha, dhe tha: E kam dëgjuar të Dërguarin e Allahut (s.a.v.s.) duke thënë: Kush betohet për diçka, e pastaj sheh se diçka tjetër është më e mirë se ajo, le të bëjë atë që është më e mirë dhe le të shlyejë (bëjë kefaret) për betimin e tij.