1223 - Na ka treguar Ebu Davudi, i cili ka thënë: Na ka treguar Ismail bin Ajjashi, i cili ka thënë: Na ka treguar Shurahbil bin Muslim el-Havlanij, i cili e ka dëgjuar Ebu Umamen duke thënë: «E kam parë të Dërguarin e Allahut (s.a.v.s.) në Haxhin e Lamtumirës dhe e kam dëgjuar duke thënë: Vërtet, Allahu i Madhëruar i ka dhënë çdo punëdrejti të drejtën e tij, andaj nuk ka testament për trashëgimtarin. Fëmija i takon shtratit (martesor), ndërsa për imoralin është guri (privimi), kurse llogaria e tyre është te Allahu. Kushdo që pretendon se ka baba tjetër përveç babait të tij, ose i mvishet dikujt tjetër përveç zotërinjve të tij (mualive), mbi të rëntë mallkimi i Allahut i vazhdueshëm deri në Ditën e Kiametit. Vini re, nuk i lejohet gruas të japë asgjë nga pasuria e burrit të saj pa lejen e tij. Një burrë pyeti: O i Dërguari i Allahut, as ushqimin? Ai tha: Kjo është pasuria jonë më e vlefshme».