1229 - Na ka treguar Ebu Davudi, i cili ka thënë: Na ka treguar Hemami, nga Lejth bin Ebi Sulejmi, nga Ubejdullah bin Zehri, nga el-Kasimi, nga Ebu Umame, i cili ka thënë: Pejgamberi (s.a.v.s.) ka thënë: «Vërtet, prej njerëzve më të lakmueshëm tek unë është ai rob që ka pjesë të madhe në namaz, i cili i bindet Zotit të tij dhe e shton adhurimin ndaj Tij në fshehtësi, që nuk tregohet me gishta (nuk është i famshëm), që është i panjohur ndër njerëz, furnizimi i të cilit është aq sa për të jetuar, i shpejtohet vdekja, i mbetet pak trashëgimi dhe ka pak vajtues (për të).»