1292 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Amër b. Murre, i cili e ka dëgjuar Salim b. Ebi el-Xha'din duke treguar nga Ibn Lebidi - një burrë prej Ensarëve - i cili ka thënë: Pejgamberi (s.a.v.s.) ka thënë: «Kjo është koha e largimit të dijes, ose: Kjo është koha e ndërprerjes së dijes». Atëherë Ibn Lebidi tha: O i Dërguari i Allahut, si (do të largohet) kur ne e kemi Librin e Allahut, ua mësojmë atë bijve tanë dhe bijtë tanë ua mësojnë bijve të tyre? Pejgamberi (s.a.v.s.) tha: «Të pastë nëna, o Ibn Lebid! Unë të konsideroja si njeriun më të mençur në Medine. A nuk u është dhënë Jehudive dhe Krishterëve Tevrati dhe Inxhili, e pastaj nuk përfituan asgjë prej tyre?».