1304 - Na ka treguar Junusi, na ka treguar Ebu Davudi, i cili ka thënë: Na ka treguar Kurre bin Halidi, i cili ka thënë: Na ka treguar Kurre bin Musa, nga Xhabir bin Sulejm el-Huxhejmi, i cili ka thënë: «Arrita te i Dërguari i Allahut (s.a.v.s.) ndërsa ai ishte ulur i mbështetur (muhtebin) me një rrobë të tij (burde), sikur po i shoh thekët e saj mbi këmbët e tij. I thashë: O i Dërguari i Allahut, më këshillo! Ai tha: Frikësoju Allahut dhe mos nënçmo asgjë nga punët e mira, qoftë edhe derdhja e ujit nga kova jote në enën e atij që kërkon ujë, dhe ta takosh vëllanë tënd me fytyrë të buzëqeshur. Dhe ruhu nga lëshimi i rrobës (poshtë nyjeve të këmbëve), sepse lëshimi i rrobës është mendjemadhësi dhe Allahu nuk e do atë. Nëse dikush të shan dhe të turpëron për diçka që ai e di se e ke, ti mos e turpëro atë për diçka që ti e di se ai e ka; lëre atë, barra e saj do të jetë mbi të dhe shpërblimi do të jetë për ty, dhe mos shaj asgjë. Tha: Pas kësaj porosie të të Dërguarit të Allahut (s.a.v.s.), nuk kam sharë asnjë kafshë e asnjë njeri.»