1319 - Na ka treguar Junusi, na ka treguar Ebu Davudi, i cili ka thënë: Na ka treguar Shube, nga Jezid er-Rishk, i cili ka thënë: E kam dëgjuar Muadhen duke treguar nga Hisham bin Amir el-Ensariu - nga shokët e Pejgamberit (s.a.v.s.) - se Pejgamberi (s.a.v.s.) ka thënë:
«Nuk i lejohet muslimanit ta ndërpresë marrëdhënien me vëllanë e tij mbi tri ditë, sepse ata të dy janë të larguar nga e vërteta për aq kohë sa qëndrojnë në ndërprerjen e tyre. I pari prej tyre që kthehet (pajtohet), shpejtimi i tij në kthim do të jetë shlyerje (keffaret) për të. E nëse ai e përshëndet me selam, kurse tjetri nuk ia pranon selamin dhe nuk ia kthen atë, atij i kthejnë selam melekët, ndërsa tjetrit i kthehet shejtani. Nëse ata vdesin duke qenë në ndërprerje të marrëdhënieve, nuk do të hyjnë në Xhenet», ose ka thënë: «Nuk do të bashkohen kurrë në Xhenet».