1346 - Na ka treguar Ebu Davudi, ka thënë: Na ka treguar Hammad bin Seleme dhe Hammad bin Zejd, nga el-Xhurejri, nga Abdullah bin Shekik, nga Abdullah bin Havale, i cili ka thënë: Pejgamberi (s.a.v.s.) ka thënë një ditë: «Do të hasni në një burrë të mbështjellë me një pelerinë, prej banorëve të Xhenetit, që po u jep besën njerëzve». Tha: «Dhe ne hasëm në Uthman bin Affanin (r.a.), i mbështjellë me një pelerinë, duke u dhënë besën njerëzve».