1441 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Sad bin Ibrahimi, i cili ka thënë: E kam dëgjuar Hafs bin Asimin duke treguar nga Ibn Buhajne: «Se i Dërguari i Allahut (s.a.v.s.) e pa një burrë duke i falur dy rekate të fexhrit (sunetin e sabahut) ndërkohë që kishte filluar ikameti për namaz, kështu që i Dërguari i Allahut (s.a.v.s.) tha: A po e falni sabahun katër rekate?! A po e falni sabahun katër rekate?!».