1483 - Na ka treguar Ebu Davudi, i cili ka thënë: Na ka treguar Shube, nga Ebu Is'haku, i cili ka thënë: E kam dëgjuar Esvedin duke thënë: «E pyeta Aishen për namazin e natës të të Dërguarit të Allahut (s.a.v.s.), dhe ajo tha: Ai flinte në pjesën e parë të natës, e kur vinte koha e syfyrit (sehrit), falte vitrin, pastaj kthehej në shtratin e tij. Nëse kishte nevojë për familjen e tij, afrohej me ta, pastaj flinte. Kur e dëgjonte thirrjen - e ndoshta ka thënë: ezanin - ai kërcente (vethabe) - dhe nuk ka thënë: ngrihej (kame) - e nëse ishte xhunub, derdhte ujë mbi vete - dhe nuk ka thënë: lahej (igtesele) - e nëse nuk ishte xhunub, merrte abdest, pastaj dilte për në namaz».