1644 - Na ka treguar Ebu Davudi, i cili ka thënë: Na ka treguar Shube, nga El-Hakemi, nga Ali bin Husejni, nga Dhekvani, nga Aisha, e cila ka thënë: "Erdhi i Dërguari i Allahut (s.a.v.s.) kur kishin kaluar katër - ose pesë - ditë nga Dhul-Hixhxhe, dhe hyri tek unë i zemëruar. Unë i thashë: 'Kush të ka zemëruar, o i Dërguari i Allahut? Allahu e futtë në zjarr!' Ai tha: 'A nuk e vure re se unë i urdhërova njerëzit për një çështje, e ata po hezitojnë?' El-Hakemi tha: 'Sikur të ishin drurë (të ngurtë)'. (Pejgamberi s.a.v.s. vazhdoi): 'Sikur ta kisha ditur më parë atë që di tani, nuk do ta kisha sjellë kurbanin me vete derisa ta blija atë, e pastaj do të dilja nga ihrami ashtu siç dolën ata'."