1679 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Kajs bin er-Rebi'i, nga Jahja bin Is'haku, nga Aishe bint Talha, nga Aisha (r.a.), se Pejgamberit (s.a.v.s.) i sollën një fëmijë prej Ensarëve që t'i falte xhenazen. Unë i thashë: "O i Dërguari i Allahut, lum për të! Një zog prej zogjve të Xhenetit, nuk ka bërë kurrë asnjë të keqe dhe as nuk e ka njohur atë." Ai tha: "O Aishe, a nuk e di se Allahu i Madhëruar e ka krijuar Xhenetin dhe ka krijuar banorë për të, i ka krijuar ata për të ndërkohë që ishin ende në kurrizet e baballarëve të tyre; dhe e ka krijuar Zjarrin dhe ka krijuar banorë për të, i ka krijuar ata për të ndërkohë që ishin ende në kurrizet e baballarëve të tyre."