1694 - Ka thënë: Na ka treguar Shu'be, i cili ka thënë: Më ka njoftuar Humejd bin Nafiu, i cili ka thënë: E kam dëgjuar Zejneb bint Ummu Selemen duke treguar nga Ummu Seleme, e kjo nga njëra prej bashkëshorteve të Pejgamberit (s.a.v.s.), se: «Asaj i kishte vdekur një i afërm, kështu që kërkoi një parfum me ngjyrë të verdhë (sufre), filloi të lyehej me të dhe tha: E kam dëgjuar të Dërguarin e Allahut (s.a.v.s.) duke thënë: 'Nuk i lejohet një gruaje që beson në Allahun dhe në Ditën e Fundit të mbajë zi për një të vdekur më shumë se tri ditë, përveçse për bashkëshortin e saj; (për të cilin mban zi) katër muaj e dhjetë ditë'».
E ka transmetuar Maliku, nga Abdullah bin Ebu Bekri, nga Humejd bin Nafiu, nga Zejneb bint Ummu Seleme, e cila ka thënë: Hyra te Zejneb bint Xhahshi.