1695 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar Humejd bin Nafiu, i cili ka thënë: Kam dëgjuar Zejneb bint Umm Seleme duke treguar nga Umm Habibe bint Ebu Sufjan, se një i afërm i saj kishte ndërruar jetë, kështu që ajo kërkoi një parfum me ngjyrë të verdhë (sufre) dhe filloi të lyehej me të, e pastaj tha: Kam dëgjuar të Dërguarin e Allahut (s.a.v.s.) duke thënë: "Nuk i lejohet një gruaje që beson në Allahun dhe në Ditën e Fundit të mbajë zi për një të vdekur më shumë se tri ditë, përveçse për bashkëshortin e saj; (për të cilin mban zi) katër muaj e dhjetë ditë".