1738 - Na ka treguar Ebu Davudi, i cili ka thënë: Na ka treguar Hishami, nga Katade, nga Shehri, nga Esmaja, e cila ka thënë: Pejgamberi (s.a.v.s.) e përmendi Dexhallin dhe tha: «Vërtet, para daljes së tij do të jetë një vit në të cilin qielli do të mbajë një të tretën e shiut të tij dhe toka do të mbajë një të tretën e bimësisë së saj. Në vitin e dytë, qielli do të mbajë dy të tretat e shiut të tij dhe toka do të mbajë dy të tretat e bimësisë së saj. Kurse në vitin e tretë, qielli do të mbajë tërë shiun e tij dhe toka tërë bimësinë e saj, aq sa nuk do të mbetet asnjë kafshë me dhëmbë (shqyese) e as me thundra. Dhe vërtet, nga sprova e tij më e madhe është se do t'i thotë njeriut: 'Nëse unë t'i ngjall nënën dhe babanë tënd, a do ta dish se unë jam zoti yt?' Atëherë shejtanët do t'u shfaqen atyre në formën e prindërve të tij.
Pastaj Pejgamberi (s.a.v.s.) doli për një nevojë të tij, e kur u kthye, njerëzit e shtëpisë po qanin. Ai i kapi të dy anët e derës dhe tha: 'Çfarë keni?' Ata thanë: 'O i Dërguari i Allahut, e përmende Dexhallin, dhe pasha Allahun, ndonjëri prej nesh e zë brumin e tij e nuk arrin ta pjekë bukën derisa frikësohet se do të sprovohet, ndërsa ti thua se ushqimet do të mblidhen tek ai.' Atëherë Pejgamberi (s.a.v.s.) tha: 'Vërtet, besimtarit atë ditë do t'i mjaftojë ajo që u mjafton engjëjve.' Ata thanë: 'Por engjëjt nuk hanë e as nuk pinë, por ata bëjnë tesbih (shenjtërojnë Allahun).' Pejgamberi (s.a.v.s.) tha: 'Ushqimi i besimtarëve atë ditë do të jetë tesbihu. Nëse ai del ndërsa unë jam mesin tuaj, unë do të jem kundërshtari i tij, e nëse del pas meje, atëherë Allahu është mbrojtësi i çdo muslimani'.»