1821 - Na ka treguar Ebu Davudi, i cili ka thënë: Na ka treguar Abdulaziz bin Ebi Seleme, i cili ka thënë: Na ka treguar Muhamed bin el-Munkediri, nga Xhabiri, se Pejgamberi (s.a.v.s.) ka thënë: «Hyra në Xhenet dhe pashë një pallat, i cili më pëlqeu. Thashë: 'I kujt është ky?' Më thanë: 'I Omer bin el-Hatabit'. Desha të hyja në të, por m'u kujtua xhelozia jote.» Atëherë Omeri (r.a.) qau dhe tha: «A ndaj teje të jem xheloz, o i Dërguari i Allahut?!»