1901 - Na ka treguar Ebu Davudi, i cili ka thënë: Na ka treguar Shube, nga Katade, i cili ka thënë: E kam dëgjuar Ebu Nadren duke thënë: «I thashë Xhabir bin Abdullahut: Vërtet Ibn ez-Zubejri e ndalon mut'an (martesën e përkohshme), ndërsa Ibn Abbasi urdhëron për të. Xhabiri tha: Nëpër duart e mia ka kaluar ky hadith; ne kemi bërë mut'a në kohën e Pejgamberit (s.a.v.s.), por kur erdhi Omeri, ai mbajti hytbe dhe tha: Vërtet Allahu i Madhëruar i lejonte Pejgamberit të Tij (s.a.v.s.) çfarë të donte, dhe vërtet Kurani ka zbritur në pozitat e veta, andaj ndajeni haxhin tuaj nga umreja juaj dhe ndërpritni martesën me këto gra (mut'an). Nuk do të më sillet asnjë burrë që është martuar me një grua me afat të caktuar, vetëm se do ta gurëzoj atë».