2006 - Na ka treguar Ebu Davudi, i cili ka thënë: Na ka treguar Shube, nga el-Amashi, nga Muxhahidi, nga Ibn Umeri, se Pejgamberi (s.a.v.s.) ka thënë: «Mos i ndaloni gratë nga xhamitë natën.» Atëherë djali i tij tha: «Përkundrazi, pasha Allahun, ne do t'i ndalojmë ato, sepse ato e përdorin këtë si pretekst (për diçka tjetër).» Atëherë ai (Ibn Umeri) ngriti dorën dhe e goditi atë (shuplakë), e pastaj tha: «Unë po të tregoj nga i Dërguari i Allahut (s.a.v.s.), ndërsa ti thua këtë!»