2275 - Na ka treguar Ebu Davudi, i cili ka thënë: Na ka treguar Shu'be dhe Hushejmi, nga Ebu Bishri, nga Ebu Nadre, nga Ebu Saidi, «se atë e kishte goditur uria - ose e kishte goditur uria një burrë prej shokëve të Pejgamberit (s.a.v.s.) - dhe disa nga familjarët e tij i thanë: Sikur të shkoje te i Dërguari i Allahut (s.a.v.s.) që të të jepte diçka. Ai shkoi dhe e gjeti Pejgamberin (s.a.v.s.) duke mbajtur hytbe e duke thënë: Kush kërkon të jetë i pavarur, Allahu e bën të pavarur; kush kërkon të jetë i virtytshëm, Allahu e bën të virtytshëm; dhe kush na kërkon diçka, nëse gjejmë diçka, do t'ia japim. Ai tha: Atëherë u kthye dhe nuk i kërkoi asgjë atij, e as askujt tjetër pas tij».