2324 - Na ka treguar Ebu Davudi, na ka treguar Hammad bin Seleme, nga Muhammed bin Is'haku, nga el-Ala bin Abdurrahman bin Jakubi, meula el-Huraka, i cili ka thënë: «Më tha babai im: 'Vërtet kam një nevojë prej teje', e unë mendova se ai dëshironte diçka nga të mirat e kësaj bote, andaj i thashë: 'O babai im, kërko çfarë të duash'. Ai tha: 'Të kërkoj që të shkosh herët në xhuma, sepse unë e kam dëgjuar Ebu Saidin duke thënë: Ka thënë i Dërguari i Allahut (s.a.v.s.): Melekët në ditën e xhuma i shënojnë njerëzit; (ai që vjen i pari është) si ai që dhuron një deve, pastaj si ai që ofron një lopë, pastaj si ai që ofron një dele, pastaj si ai që ofron një shpend, pastaj si ai që ofron një vezë. Kur imami ulet në minber, fletët mbyllen'».