2335 - Na ka treguar Ebu Davudi, i cili ka thënë: Na ka treguar Amër bin Thabiti, nga Abdullah bin Muhamed bin Akili, nga Hamza bin Ebi Saidi, nga babai i tij, i cili ka thënë: «I Dërguari i Allahut (s.a.v.s.) mbajti hytbe dhe tha: “Vini re! Çfarë është puna e disa njerëzve që pretendojnë se farefisnia ime nuk bën dobi? Pasha Atë, në dorën e të Cilit është shpirti im, farefisnia ime është e lidhur në këtë botë dhe në botën tjetër. Vini re, unë do të jem para jush te Hauzi (burimi), o njerëz! Vini re, në Ditën e Kiametit do të vijnë disa njerëz dhe dikush prej tyre do të thotë: ‘O i Dërguari i Allahut, unë jam filani, biri i filanit’. Unë do të them: ‘Sa i përket prejardhjes, unë e njoha, por ju u kthyet pas meje (nga feja) dhe u kthyet prapa (në humbje)’”».