2393 - Na ka treguar Ebu Davudi, i cili ka thënë: Na ka treguar Shua'bah dhe Ibn Ujejne - dhe hadithi i Ibn Ujejnes është më i plotë - nga Amr bin Dinari, nga Suhejbi, skllavi i liruar i Ibn Amirit, nga Abdullah bin Amri, nga Pejgamberi (s.a.v.s.) i cili ka thënë: «Kush vret një trumcak pa të drejtë, Allahu i Madhëruar do ta pyesë për të në Ditën e Kiametit». Atëherë u pyet: «E cila është e drejta e tij?» Tha: «Ta therrë e ta hajë, e jo t'ia këpusë kokën e ta hedhë atë».