2396 - Na ka treguar Ebu Davudi, i cili ka thënë: Na ka treguar Mugire b. Muslimi - i cili ishte i sinqertë dhe musliman - e ky ka thënë: Na ka treguar Ebu Ishaku, nga Vehb b. Xhabiri, nga Abdullah b. Amri, nga Pejgamberi (s.a.v.s.) ngjashëm me këtë hadith, përveç se ai ka thënë: «Pastaj filloi të na tregonte se Jexhuxhët dhe Mexhuxhët janë prej pasardhësve të Ademit, dhe se ata, po të lëshoheshin mbi njerëzit, do t'ua prishnin atyre jetesën, dhe se askush prej tyre nuk vdes pa lënë pas vetes një mijë pasardhës e më shumë, dhe se pas tyre janë tri kombe: Tavili, Tarisi dhe Menseku.»