2446 - Na ka treguar Ebu Davudi, i cili ka thënë: Na ka treguar El-Umeriu, nga Seid el-Makburi, nga Ebu Hurejra, i cili ka thënë: I Dërguari i Allahut (s.a.v.s.) ka thënë: «Allahu e mëshiroftë atë njeri që ka pasur ndonjë padrejtësi ndaj vëllait të tij, qoftë në nder apo në pasuri, dhe ia kthen atë para se të vijë një ditë kur nuk do të pranohet as dinari e as dërhemi. Nëse ai ka vepra të mira, ato do t'i merren dhe do t'i jepen atij që i është bërë padrejtësi, e nëse nuk ka vepra të mira, do të merren nga gjynahet e shokut të tij (të dëmtuarit) dhe do t'i ngarkohen atij.»

Një i moshuar që ishte pranë Seidit tha: "A nuk e ke dëgjuar Ebu Hurejrën të shtojë diçka në këtë hadith?" Ai tha: "Jo." Atëherë i moshuari tha: "Unë e kam dëgjuar Ebu Hurejrën të shtojë në këtë hadith se për të thuhet: 'Ky është i falimentuari (el-muflis)'."