2474 - Na ka treguar Ebu Davudi, i cili ka thënë: Na ka treguar Shube, nga Sad bin Ibrahimi, i cili ka thënë: E kam dëgjuar Ebu Selemen duke treguar nga Ebu Hurejra, «se i Dërguari i Allahut (s.a.v.s.) i fali dy rekate të drekës dhe pastaj dha selam. Atij iu tha: O i Dërguari i Allahut, a u shkurtua namazi? Dhe u njoftua për atë që kishte bërë, kështu që i fali edhe dy rekate, e pastaj i bëri dy sexhde (të harresës)».