2477 - Na ka treguar Ebu Davudi, i cili ka thënë: Na ka treguar Shube, nga Seleme b. Kuhejli, i cili ka thënë: E kam dëgjuar Ebu Seleme b. Abdurrahman b. Aufin në Mina, duke treguar nga Ebu Hurejra, «se një beduin i kërkoi Pejgamberit (s.a.v.s.) shlyerjen e një borxhi që ai i kishte atij, dhe u tregua i ashpër me të. Shokët e Pejgamberit (s.a.v.s.) deshën t'i bënin diçka (ta ndëshkonin), por Pejgamberi (s.a.v.s.) tha: Lëreni atë, sepse i zoti i të drejtës ka të drejtë të flasë. Pastaj tha: Jepjani atij (borxhin). Ata thanë: Nuk po gjejmë veçse një kafshë të një moshe më të mirë se mosha e kafshës së tij. Ai tha: Blini atë dhe jepjani, sepse më i miri prej jush është ai që është më i miri në shlyerjen e borxhit».