2485 - Na ka treguar Ebu Davudi, i cili ka thënë: Na ka treguar Hammad bin Seleme, nga Muhamed bin Is'haku, nga Muhamed bin Ibrahim el-Kureshi, nga Ebu Seleme, nga Ebu Hurejre, se i Dërguari i Allahut (s.a.v.s.) ka thënë: «Kush lahet ditën e xhuma, pastron dhëmbët me misvak, vesh rrobat e tij më të mira dhe parfumoset me parfum të familjes së tij, pastaj vjen në xhami dhe nuk kapërcen qafat e njerëzve e falet, dhe kur del imami hesht, kjo do të jetë shlyerje për të (e mëkateve) midis asaj dhe xhumasë tjetër».