2529 - Na ka treguar Ebu Davudi, i cili ka thënë: Na ka treguar Vuhejbi, nga Suhejli bin Ebi Salihu, nga babai i tij, nga Ebu Hurejra, se Pejgamberi (s.a.v.s.) ka thënë: «Kë quani dëshmor (shehid) mes jush?» Ata thanë: «Atë që vritet në rrugën e Allahut.» Atëherë i Dërguari i Allahut (s.a.v.s.) tha: «Atëherë dëshmorët e umetit tim qenkan të paktë! Kush vritet në rrugën e Allahut është dëshmor, kush vdes në rrugën e Allahut është dëshmor, ai që vdes nga murtaja është dëshmor dhe ai që vdes nga sëmundjet e barkut është dëshmor.»
Suhejli ka thënë: Më ka treguar Ubejdullah bin Miksemi nga babai im - por unë nuk e kam dëgjuar prej tij - se ai shtoi në këtë hadith: «edhe i mbyturi në ujë».