2666 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, i cili ka thënë: Më ka njoftuar Muhamed b. Abdil-Xhebari, i cili ka thënë: Kam dëgjuar Muhamed b. Ka'b el-Kuredhiun duke treguar nga Ebu Hurejra, i cili ka thënë: Kam dëgjuar të Dërguarin e Allahut (s.a.v.s.) duke thënë: «Vërtet, lidhja farefisnore (rahimi) do të ketë gjuhë Ditën e Kiametit nën Arsh e do të thotë: O Zoti im, jam shkëputur! O Zoti im, jam dëmtuar! O Zoti im, jam keqtrajtuar! Atëherë Zoti i saj do t'i përgjigjet: A nuk je e kënaqur që Unë të mbaj lidhjet me atë që i mban lidhjet me ty dhe t'i shkëpus lidhjet me atë që i shkëput lidhjet me ty?».