2704 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Jala bin Ata, i cili ka thënë: Kam dëgjuar Velid bin Abdurrahmanin duke treguar nga Ebu Hurejra, se Pejgamberi (s.a.v.s.) ka thënë: «Kush fal namazin e xhenazes, ka një kirat, e kush pret derisa të përfundojë ajo, ka dy kiratë». Këtë e mohoi Ibn Umeri, prandaj dërguan te Aisheja dhe e pyetën atë, e ajo tha: «Ka thënë të vërtetën». Kur kjo i arriti Ebu Hurejrës, ai tha: «Mua nuk më ka shpërndarë vëmendjen nga i Dërguari i Allahut (s.a.v.s.) tregtia në treg e as mbjellja e palmave; unë i qëndroja pranë Pejgamberit (s.a.v.s.) për një fjalë që ma mësonte, ose për një kafshatë që ma jepte».