2705 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Shube, nga Jala bin Ata, i cili ka thënë: Kam dëgjuar Amër bin Asim eth-Thekafiun duke thënë: Kam dëgjuar Ebu Hurejren duke thënë:
«Ebu Bekër es-Siddiku (r.a.) tha: O i Dërguari i Allahut, më urdhëro diçka që ta them kur të gdhihem dhe kur të ngrysem. Ai tha: Thuaj: O Allah, Njohës i të fshehtës dhe të dukshmes, Krijues i qiejve dhe i tokës, Zot i çdo gjëje dhe Sundues i saj, dëshmoj se nuk ka zot tjetër përveç Teje, kërkoj mbrojtje tek Ti nga e keqja e vetes sime dhe nga e keqja e shejtanit dhe shirkut të tij. Thuaje këtë kur të gdhihesh, kur të ngrysesh dhe kur të shkosh në shtratin tënd».