2800 - Na ka treguar Ebu Davudi, i cili ka thënë: Na ka treguar Shu'beja, nga Simaku, i cili ka thënë: E kam dëgjuar Ikrimen duke treguar nga Ibn Abbasi, se i Dërguari i Allahut (s.a.v.s.) e përmendi Dexhallin dhe tha: «Ai është i bardhë, i shndritshëm, me një sy, njeriu që i ngjan më së shumti atij është Abdël-Uzza bin Katan - ose ka thënë: Katar - e nëse shkatërrohen ata që shkatërrohen, dijeni se Zoti juaj nuk është me një sy».