2869 - Na ka treguar Junusi, i cili ka thënë: Na ka treguar Ebu Davudi, i cili ka thënë: Na ka treguar Hushejmi dhe Ebu Avane, nga Ebu Hamza el-Kassab, nga Ibn Abbasi, se: «I Dërguari i Allahut (s.a.v.s.) dërgoi dikë te Muaviu që të shkruante për të, por ai tha: Ai po ha. Pastaj dërgoi përsëri te ai, e ai tha: Ai po ha. Atëherë i Dërguari i Allahut (s.a.v.s.) tha: Allahu mos ia ngopte barkun!».

Abdullah bin Xhafer bin Faris - transmetuesi nga Junus bin Habibi - ka thënë: Kuptimi i kësaj, e Allahu e di më mirë, është: Allahu mos ia ngopte barkun në këtë botë, në mënyrë që të mos jetë prej atyre që do të jenë të uritur në Ditën e Kiametit; sepse transmetohet nga Pejgamberi (s.a.v.s.) se ka thënë: Njerëzit më të ngopur në këtë botë, do të jenë më të uriturit në Ditën e Kiametit.