Transmeton Ebu Umame se e ka dëgjuar të Dërguarin e Allahut (s.a.v.s.) duke thënë: Allahu i Madhëruar i ka dhënë çdo njeriu të drejtën që i takon, prandaj nuk ka testament për trashëgimtarin. Gruaja nuk duhet të shpenzojë asgjë nga shtëpia e saj pa lejen e burrit të saj. E pyetën: O i Dërguari i Allahut, as ushqimin? Ai u përgjigj: Ajo është pasuria jonë më e vlefshme. Pastaj tha: Gjëja e marrë hua duhet të kthehet, kafsha e dhënë për qumësht duhet të kthehet, borxhi duhet të shlyhet dhe ai që garanton për dikë tjetër (dorëzani) është përgjegjës.