Transmeton Ibn Abasi: Njerëzit e kohës së xhahilijetit hanin disa gjëra dhe i linin disa të tjera, duke i konsideruar ato si të papastra. Pastaj Allahu i Madhëruar dërgoi Pejgamberin e Tij (s.a.v.s.) dhe shpalli Librin e Tij, duke bërë të lejuara gjërat e lejuara dhe të ndaluara ato të ndaluara; kështu që ajo që Ai e bëri të lejuar është hallall, ajo që e bëri të ndaluar është haram, ndërsa për ato që nuk foli (heshti), ato janë të falura. Pastaj ai recitoi: "Thuaj: Në atë që më është shpallur mua, nuk po gjej asgjë të ndaluar për t’u ngrënë nga ai që dëshiron ta hajë..." deri në fund të ajetit.