Transmeton Halid bin el-Velidi: Shkova bashkë me të Dërguarin e Allahut (s.a.v.s.) në luftën e Hajberit. Hebrenjtë erdhën dhe u ankuan se njerëzit kishin hyrë me nxitim në pronat e tyre, prandaj i Dërguari i Allahut (s.a.v.s.) tha: "Vërtet, pasuria e atyre që janë nën marrëveshje nuk është e lejuar përveçse me të drejtë. Gjithashtu, ju janë ndaluar gomarët shtëpiakë, kuajt dhe mushkat e tyre, çdo bishë grabitqare me dhëmbë shqyes dhe çdo shpend me kthetra."