Transmeton Xhabir b. Abdullahu: I Dërguari i Allahut (s.a.v.s.) ka thënë: "Kushdo që ha hudhër ose qepë, le të qëndrojë larg nesh – ose ka thënë: le të qëndrojë larg xhamisë sonë – dhe le të rrijë në shtëpinë e tij." Atij i sollën një enë me perime të gjelbra dhe kur ndjeu erën e tyre, pyeti për to. Pasi e njoftuan se çfarë perimesh kishte në të, ai tha: "Afrojani këtë" njërit prej shokëve të tij që ishte me të. Kur ai e pa se Pejgamberi (s.a.v.s.) nuk po hante, nuk dëshiroi ta hante as ai, por ai (s.a.v.s.) i tha: "Haje, sepse unë bisedoj me atë me të cilin ti nuk bisedon."