Transmeton Xhabir bin Abdullahu: Ebu Hejthem ibn et-Tejhan përgatiti ushqim për të Dërguarin e Allahut (s.a.v.s.) dhe e ftoi Pejgamberin (s.a.v.s.) bashkë me shokët e tij. Kur mbaruan, ai tha: "Shpërblejeni vëllain tuaj." Ata pyetën: "O i Dërguari i Allahut, si është shpërblimi i tij?" Ai u përgjigj: "Kur njerëzit hyjnë në shtëpinë e dikujt, hahet ushqimi i tij, pihet pija e tij dhe ata luten për të, ky është shpërblimi i tij."