Transmeton Aisheja: Më erdhi një grua së bashku me dy vajzat e saj. Ajo më kërkoi diçka, por unë nuk gjeta asgjë tjetër përveç një hurme, të cilën ia dhashë. Ajo e ndau atë mes dy vajzave të saj, pastaj u ngrit dhe doli. Hyri Pejgamberi (s.a.v.s.) dhe unë i tregova se çfarë kishte ndodhur. Ai tha: "Kushdo që ngarkohet me përkujdesjen ndaj këtyre vajzave dhe sillet mirë me to, ato do të jenë për të mburojë nga Zjarri."