Transmeton Alije bint Subej':
Kisha disa dele në Uhud dhe ato filluan të ngordhnin. Atëherë shkova te Mejmuneja, bashkëshortja e Pejgamberit (s.a.v.s.), dhe ia përmenda këtë gjë. Mejmuneja më tha: "Sikur t’ua merrje lëkurën e tyre dhe t’i shfrytëzoje ato." Unë e pyeta: "A është e lejuar kjo?" Ajo u përgjigj: "Po. Disa burra nga kurejshët kaluan pranë të Dërguarit të Allahut (s.a.v.s.) duke tërhequr një dele të tyre të madhe sa një gomar. I Dërguari i Allahut (s.a.v.s.) u tha atyre: 'Sikur t’ia merrnit lëkurën asaj.' Ata i thanë: 'Ajo është e ngordhur.' I Dërguari i Allahut (s.a.v.s.) tha: 'Uji dhe gjethet e karradhit e pastrojnë atë.'"