Transmeton Abdullah bin Omeri: I Dërguari i Allahut (s.a.v.s.) erdhi te Fatimja dhe gjeti një perde të varur në derën e saj, prandaj nuk hyri brenda. Sa herë që ai kthehej, zakonisht e vizitonte atë të parën. Pastaj erdhi Aliu dhe e gjeti Fatimen të brengosur, e i tha: "Çfarë ke?" Ajo u përgjigj: "I Dërguari i Allahut (s.a.v.s.) erdhi tek unë, por nuk hyri brenda." Atëherë Aliu shkoi tek ai dhe i tha: "O i Dërguari i Allahut, Fatimes i erdhi shumë rëndë që erdhe tek ajo dhe nuk hyre brenda." Ai u përgjigj: "Ç'punë kam unë me këtë botë? Ç'punë kam unë me këto dekorime dhe figura?" Pastaj Aliu shkoi te Fatimja dhe e njoftoi për fjalët e të Dërguarit të Allahut (s.a.v.s.). Ajo tha: "Pyete të Dërguarin e Allahut (s.a.v.s.) se çfarë më urdhëron të bëj me të." Ai tha: "Thuaji asaj që t'ia dërgojë filan familjeje."