Transmeton Abdullah bin Umari: I Dërguari i Allahut (s.a.v.s.) na priu në namazin e jacisë një natë nga fundi i jetës së tij. Pasi dha selamin, ai u ngrit dhe tha: "A po e shihni këtë natën tuaj? Me të vërtetë, pas njëqind vitesh nga kjo natë, askush prej atyre që gjenden sot mbi sipërfaqen e tokës nuk do të mbetet më gjallë." Ibn Umari tha: Njerëzit ranë në lajthitje lidhur me këtë thënie të të Dërguarit të Allahut (s.a.v.s.) sa i përket bisedave që bënin për këtë periudhë njëqindvjeçare. I Dërguari i Allahut (s.a.v.s.) në fakt kishte për qëllim se nuk do të mbetej askush prej atyre që ishin në atë kohë mbi sipërfaqen e tokës, pra që ai brez do të shuhej.