Transmeton Ebu Rimthe: Shkova te Pejgamberi (s.a.v.s.) bashkë me babanë tim. Pastaj i Dërguari i Allahut (s.a.v.s.) e pyeti babanë tim: "A është ky djali yt?" Ai u përgjigj: "Po, për Zotin e Qabesë!" Ai (s.a.v.s.) tha: "Vërtet?" Ai tha: "Dëshmoj për këtë." Atëherë i Dërguari i Allahut (s.a.v.s.) buzëqeshi nga ngjashmëria ime e madhe me babanë dhe nga betimi i babait tim për mua. Pastaj tha: "Dije se ai nuk mban përgjegjësi për veprat e tua, as ti nuk mban përgjegjësi për veprat e tij." Pastaj i Dërguari i Allahut (s.a.v.s.) lexoi ajetin: "Dhe asnjë mëkatar nuk do të bartë barrën e tjetrit."