Transmeton Enes bin Maliku: Një grua çifute i solli të Dërguarit të Allahut (s.a.v.s.) një dele të helmuar, prej së cilës ai hëngri. Më pas, ajo u solli te i Dërguari i Allahut (s.a.v.s.), i cili e pyeti rreth kësaj vepre. Ajo tha: "Dëshiroja të të vras." Ai tha: "Allahu nuk do të të lejojë ta bësh këtë" - ose tha: "nuk do të të japë pushtet mbi mua". Shokët e tij thanë: "A ta vrasim?" Ai u përgjigj: "Jo." Enesi shtoi: "Vazhdimisht i kam vërejtur gjurmët e atij helmi në qiellzën e të Dërguarit të Allahut (s.a.v.s.)."