Transmetohet nga disa burra prej ensarëve: Pejgamberi (s.a.v.s.) u tha jehudive, duke filluar me ta: "Pesëdhjetë prej jush duhet të betohen." Por ata refuzuan. Pastaj ai u tha ensarëve: "Vërtetoni të drejtën tuaj." Ata thanë: "O i Dërguari i Allahut, a të betohemi për diçka që nuk e kemi parë?" Atëherë i Dërguari i Allahut (s.a.v.s.) e caktoi dijenë (dëmshpërblimin e gjakut) mbi jehuditë, pasi i vrari u gjet në mesin e tyre.