Transmeton Aishja: Pejgamberi (s.a.v.s.) dërgoi Ebu Xhehm ibn Hudhejfën si mbledhës të zekatit. Një burrë u grind me të për sadakanë e tij, dhe Ebu Xhehmi e goditi atë duke e plagosur në kokë. Njerëzit e tij erdhën te Pejgamberi (s.a.v.s.) dhe i thanë: O i Dërguari i Allahut, kërkojmë hakmarrje! Pejgamberi (s.a.v.s.) u tha: Do të keni kaq e kaq. Por ata nuk u pajtuan. Ai sërish u tha: Do të keni kaq e kaq. Por ata nuk u pajtuan. Ai prapë u tha: Do të keni kaq e kaq, dhe ata u pajtuan. Pejgamberi (s.a.v.s.) tha: Unë do t’u drejtohem njerëzve pasdite dhe do t’i njoftoj për pëlqimin tuaj. Ata thanë: Po. Duke u mbajtur fjalim njerëzve, i Dërguari i Allahut (s.a.v.s.) tha: Këta njerëz nga fisi Lejth erdhën tek unë duke kërkuar hakmarrje. Unë u ofrova atyre kaq e kaq dhe ata u pajtuan. A jeni të kënaqur? Ata thanë: Jo. Atëherë Muhaxhirët synuan t'i ndëshkonin ata, por i Dërguari i Allahut (s.a.v.s.) i urdhëroi të përmbaheshin dhe ata u përmbajtën. Pastaj ai i thirri përsëri dhe ua shtoi shumën, e pastaj pyeti: A jeni të kënaqur? Ata u përgjigjën: Po. Ai tha: Unë do t’u drejtohem njerëzve dhe do t’i njoftoj për pëlqimin tuaj. Ata thanë: Po. Pejgamberi (s.a.v.s.) u mbajti fjalim njerëzve dhe pyeti: A jeni të kënaqur? Ata thanë: Po.