Transmeton Omer b. el-Hatabi (r.a.): Ai na u drejtua me një fjalim dhe tha: "Vërtet unë nuk i kam dërguar punonjësit e mi që t'ju godasin apo t'ju marrin pasurinë tuaj. Kujtdo që i bëhet kjo, le të më drejtohet që unë të marr hak për të." Amr ibn el-Asi tha: "Nëse ndonjë njeri disiplinon dikë nga vartësit e tij, a do të merrni hak edhe prej tij?" Ai u përgjigj: "Po, pasha Atë në dorën e të Cilit është shpirti im, unë do të marr hak prej tij, sepse e kam parë të Dërguarin e Allahut (s.a.v.s.) duke lejuar marrjen e hakut ndaj vetvetes."