Transmeton Ibn Abbasi: Në lidhje me tregimin e Haml ibn Malikut, ai tha se ajo dështoi një fëmijë të vdekur të cilit i kishin dalë flokët, si dhe gruaja vetë vdiq. Pejgamberi (s.a.v.s.) gjykoi që shpagimi i gjakut (dija) të paguhej nga të afërmit e gruas vrasëse (nga ana e babait). Axha i saj tha: "O i Dërguari i Allahut! Ajo dështoi një fëmijë të cilit i kishin dalë flokët." Babai i gruas që e kishte vrarë tha: "Ai gënjen! Pasha Allahun, ai as nuk qau, as nuk piu e as nuk hëngri. Një rast i tillë mbetet pa dëmshpërblim." Pejgamberi (s.a.v.s.) tha: "A është kjo rimë e xhahilijetit dhe e fallxhorëve të saj? Jepi një skllav ose një skllave si dëmshpërblim për fëmijën." Ibn Abbasi tha: Emri i njërës prej tyre ishte Mulejka, ndërsa i tjetrës ishte Umm Gutajf.