Transmeton Ebu Xhubejre bin el-Dahhak: Ky ajet u shpall për ne, fisin Benu Selime: "Dhe mos e thirrni njëri-tjetrin me nofka (fyerëse). Sa i shëmtuar është emërtimi me ligësi pas besimit." Ai tha: Kur i Dërguari i Allahut (s.a.v.s.) erdhi tek ne, nuk kishte asnjë burrë prej nesh që nuk kishte dy apo tri emra. Pejgamberi (s.a.v.s.) filloi të thoshte: "O filan!", por ata i thanë: "Ndal, o i Dërguari i Allahut! Ai zemërohet nga ky emër." Atëherë u shpall ky ajet: "Dhe mos e thirrni njëri-tjetrin me nofka."